«Kristal Pelas» futbolchilari Premyer-liganing so‘nggi turi oldidan «Arsenal» jamoasini «chempionlik yo‘lagi» bilan kutib olishdi. «Burgutlar» an’anaga sodiq qolgan holda ikki qator bo‘lib saf tortishdi va maydonga chiqib kelayotgan «kanonirlar»ni olqishlar bilan kutib olishdi.
Eslatib o‘tamiz, seshanba kuni «Manchester Siti»ning «Bornmut» bilan o‘yindagi durang natijasidan so‘ng, Mikel Arteta shogirdlari muddatdan oldin chempionlik unvonini qo‘lga kiritishgan edi. «Arsenal» 2004 yildan beri ilk bor Angliya chempioni bo‘ldi. Bugungi o‘yin yakunlangach, «pushkarlar»ga chempionlik kubogi topshiriladi.
