«Кристал Пэлас» футболчилари Премьер-лиганинг сўнгги тури олдидан «Арсенал» жамоасини «чемпионлик йўлаги» билан кутиб олишди. «Бургутлар» анъанага содиқ қолган ҳолда икки қатор бўлиб саф тортишди ва майдонга чиқиб келаётган «канонирлар»ни олқишлар билан кутиб олишди.

Эслатиб ўтамиз, сешанба куни «Манчестер Сити»нинг «Борнмут» билан ўйиндаги дуранг натижасидан сўнг, Микель Артета шогирдлари муддатдан олдин чемпионлик унвонини қўлга киритишган эди. «Арсенал» 2004 йилдан бери илк бор Англия чемпиони бўлди. Бугунги ўйин якунлангач, «пушкарлар»га чемпионлик кубоги топширилади.