«Manchester Yunayted» yarim himoyachisi Brunu Fernandesh tarixni o‘zgartirishda davom etmoqda.
«Qizil iblislar» sardori Premyer-liganing so‘nggi turida «Brayton»ga qarshi kechgan bahsda Patrik Dorguga assistentlik qilib, bir mavsumdagi golli uzatmalar bo‘yicha (21 ta) mutlaq rekordchiga aylandi.
Bundan tashqari, UtdReport xabariga ko‘ra, portugaliyalik futbolchi Yevropaning kuchli beshlik chempionatlari doirasida bir mavsumda amalga oshirilgan golli uzatmalar bo‘yicha Lionel Messi va Tomas Myullerning natijasini takrorladi. Argentinalik va germaniyalik futbolchilar 2019/20 yilgi mavsumda mos ravishda «Barselona» va «Bavariya» safida 21 tadan golli pas berishgan edi. Fernandeshda Yevropaning yakkaxon rekordchisiga aylanish uchun hali imkoniyat bor.













