«Манчестер Юнайтед» ярим ҳимоячиси Бруну Фернандеш тарихни ўзгартиришда давом этмоқда.
«Қизил иблислар» сардори Премьер-лиганинг сўнгги турида «Брайтон»га қарши кечган баҳсда Патрик Доргуга ассистентлик қилиб, бир мавсумдаги голли узатмалар бўйича (21 та) мутлақ рекордчига айланди.
Бундан ташқари, UtdReport хабарига кўра, португалиялик футболчи Европанинг кучли бешлик чемпионатлари доирасида бир мавсумда амалга оширилган голли узатмалар бўйича Лионель Месси ва Томас Мюллернинг натижасини такрорлади. Аргентиналик ва германиялик футболчилар 2019/20 йилги мавсумда мос равишда «Барселона» ва «Бавария» сафида 21 тадан голли пас беришган эди. Фернандешда Европанинг яккахон рекордчисига айланиш учун ҳали имконият бор.
