«Atletiko» joriy La Liga mavsumini to‘rtinchi o‘rinda yakunladi. Madridliklar chempionatning so‘nggi turida «Vilyarreal»ga 1:5 hisobida yirik mag‘lubiyatga uchrashdi.

Diyego Simeone 14 yil davomida boshqarib kelayotgan klub ushbu davr mobaynida atigi uch marta turnir jadvalida kuchli uchlikdan pastga tushdi. Dastlabki ikki holat argentinalik murabbiyning ilk mavsumi — 2011/2012 (5-o‘rin, u jamoani mavsum davomida qabul qilib olgan) hamda 2023/2024 (4-o‘rin) yillariga to‘g‘ri keladi.

Yakshanba kungi bahs Simeone uchun «Atletiko» bosh murabbiyi sifatidagi 800-o‘yin bo‘ldi. U La Liga tarixida bir klubda eng ko‘p o‘yin o‘tkazgan murabbiy hisoblanadi.