«Атлетико» жорий Ла Лига мавсумини тўртинчи ўринда якунлади. Мадридликлар чемпионатнинг сўнгги турида «Вильярреал»га 1:5 ҳисобида йирик мағлубиятга учрашди.

Диего Симеоне 14 йил давомида бошқариб келаётган клуб ушбу давр мобайнида атиги уч марта турнир жадвалида кучли учликдан пастга тушди. Дастлабки икки ҳолат аргентиналик мураббийнинг илк мавсуми — 2011/2012 (5-ўрин, у жамоани мавсум давомида қабул қилиб олган) ҳамда 2023/2024 (4-ўрин) йилларига тўғри келади.

Якшанба кунги баҳс Симеоне учун «Атлетико» бош мураббийи сифатидаги 800-ўйин бўлди. У Ла Лига тарихида бир клубда энг кўп ўйин ўтказган мураббий ҳисобланади.