«Real» prezidenti lavozimiga da’vogar Enrike Rikelme Madrid klubi rahbariyatining favqulodda xatosini ko‘rsatib o‘tdi. U Florentino Peresning ritorikasini salbiy tomondan baholadi. Bir necha yil oldin «Real» rahbari omma oldida «Barselona»ni qo‘llab-quvvatlagan edi.
Rikelme fikricha, «Barselona» manziliga aytilgan qo‘llab-quvvatlov so‘zlari — katta xato. Uning so‘zlariga ko‘ra, «Real» raqiblarini qo‘llab-quvvatlashi emas, balki o‘z imidji va kuchini shakllantirishi kerak.
«2024 yilda «Real Madrid» Bosh assambleyada «Barselona»ni qo‘llab-quvvatlab, klubga kuchli «Barsa» kerakligini aytdi. Bu noto‘g‘ri edi. «Real Madrid» «Negreyra ishi»da sodir bo‘lgan voqealardan keyin «Barselona» kabi klubni qo‘llab-quvvatlashga yo‘l qo‘ya olmaydi. Menga kuchli «Barselona» kerak emas, menga kuchli «Real» kerak», — dedi Rikelme.
