«Реал» президенти лавозимига даъвогар Энрике Рикельме Мадрид клуби раҳбариятининг фавқулодда хатосини кўрсатиб ўтди. У Флорентино Переснинг риторикасини салбий томондан баҳолади. Бир неча йил олдин «Реал» раҳбари омма олдида «Барселона»ни қўллаб-қувватлаган эди.

Рикельме фикрича, «Барселона» манзилига айтилган қўллаб-қувватлов сўзлари — катта хато. Унинг сўзларига кўра, «Реал» рақибларини қўллаб-қувватлаши эмас, балки ўз имиджи ва кучини шакллантириши керак.

«2024 йилда «Реал Мадрид» Бош ассамблеяда «Барселона»ни қўллаб-қувватлаб, клубга кучли «Барса» кераклигини айтди. Бу нотўғри эди. «Реал Мадрид» «Негрейра иши»да содир бўлган воқеалардан кейин «Барселона» каби клубни қўллаб-қувватлашга йўл қўя олмайди. Менга кучли «Барселона» керак эмас, менга кучли «Реал» керак», — деди Рикельме.