«Nottingem Forest» sardori Morgan Gibbs-Uayt Angliya terma jamoasining JCH-2026 uchun qaydnomasidan joy olmaganiga munosabat bildirdi. Faoliyatidagi eng yaxshi mavsumni o‘tkazganiga qaramay (18 ta gol va 7 ta golli uzatma), 26 yoshli yarim himoyachi Tomas Tuxel ro‘yxatiga kiritilmadi.
«Men tarkibda bo‘lish uchun kerak bo‘lganidan ham ko‘proq ish qildim. Shunchaki kimningdir shaxsiy fikrida "noto‘g‘ri tarafda" bo‘lib qoldim. O‘zimni o‘nglab olaman va yanada kuchliroq bo‘lib qaytaman. Shaxsan qo‘ng‘iroq qilib, hammasini o‘zimga aytgani uchun Tuxelga hurmatim baland. Mavsum yakunlanganidan xursandman, endi bor e’tiborimni yozga qarataman», — deydi futbolchi Goal.com nashriga.
