PSJ vingeri Usman Dembele parijliklar bosh murabbiyi Luis Enrike haqida o‘z fikrlarini bildirib o‘tdi.
«Luis Enrikening siri nimada ekanligini aniq aytib bo‘lmaydi. U yuqori darajadagi murabbiy va biz bunga avval "Barselona"da, endi esa PSJda guvoh bo‘ldik. Uning aniq qarashlari bor va u buni butun jamoaga yetkazishga harakat qiladi. Unda energiya juda ko‘p, buni matbuot anjumanlarida ham sezish mumkin. U ajoyib murabbiy, kuchli mutaxassis va u PSJda uzoq vaqt qolishiga umid qilamiz.
Luis Enrike menga ham maydonda, ham uning tashqarisida o‘rnak bo‘lishim kerakligini aytdi. Men o‘zimga ko‘p bora savol berardim va uning kelishi bilan o‘z zimmamga ancha ko‘proq mas’uliyat oldim», — deydi Dembele M6 telekanaliga bergan intervyusida.
