ПСЖ вингери Усман Дембеле парижликлар бош мураббийи Луис Энрике ҳақида ўз фикрларини билдириб ўтди.

«Луис Энрикенинг сири нимада эканлигини аниқ айтиб бўлмайди. У юқори даражадаги мураббий ва биз бунга аввал "Барселона"да, энди эса ПСЖда гувоҳ бўлдик. Унинг аниқ қарашлари бор ва у буни бутун жамоага етказишга ҳаракат қилади. Унда энергия жуда кўп, буни матбуот анжуманларида ҳам сезиш мумкин. У ажойиб мураббий, кучли мутахассис ва у ПСЖда узоқ вақт қолишига умид қиламиз.

Луис Энрике менга ҳам майдонда, ҳам унинг ташқарисида ўрнак бўлишим кераклигини айтди. Мен ўзимга кўп бора савол берардим ва унинг келиши билан ўз зиммамга анча кўпроқ масъулият олдим», — дейди Дембеле M6 телеканалига берган интервьюсида.