Ispaniya terma jamoasi dushanba kuni 2026 yilgi jahon chempionati uchun tarkibni e’lon qildi. «Qizil furiya» ro‘yxatidan «Barselona» vingeri Lamin Yamal ham joy oldi.
Tarkib e’lon qilinganidan ko‘p o‘tmay, Yamal ijtimoiy tarmoqlarda post qoldirdi. 18 yoshli futbolchi Ispaniya terma jamoasi libosidagi suratini joylashtirib, ikki og‘iz so‘z yozdi: «Vaqt keldi».
Ma’lumki, Lamin Yamal jarohati tufayli 2025/2026 yilgi klub mavsumining yakuniy qismini o‘tkazib yuborgan edi. Avvalroq matbuotda Yamalning jahon chempionatidagi ilk o‘yingacha tiklanishi qiyinligi haqida xabarlar tarqalgandi.
Eslatib o‘tamiz, Ispaniya terma jamoasi mundialdagi yurishini 15 iyun kuni Kabo-Verdega qarshi bahs bilan boshlaydi.
