«Manchester Siti» Angliya Premyer-ligasi 38-turidan o‘rin olgan «Aston Villa»ga qarshi uchrashuvdan (1:2) keyin klubni tark etayotgan bosh murabbiy Pep Gvardiola, shuningdek futbolchilar Bernardu Silva va Jon Stounz uchun xayrlashuv marosimi o‘tkazdi.

Marosimga jamoaning amaldagi futbolchilaridan tashqari, o‘tgan mavsumni «Everton»da ijara asosida o‘tkazgan Jek Grilish hamda hozirda «Bavariya»da faoliyat yuritayotgan «shaharliklar»ning sobiq sardori Vensan Kompani ham tashrif buyurdi.

Futbolchilar muxlislarga Gvardiolaning «Siti»dagi 10 yillik faoliyati davomida qo‘lga kiritilgan 20 ta sovrinni namoyish qildi.

Shundan keyin o‘yinchilar sahnadan turib Pepga murojaat qilishdi. Bernardu esa internetda memga aylangan videoni esladi. Unda mutaxassis o‘yin paytida yonida kimdir bordek gapiradi, ammo uning yonidagi o‘rindiq bo‘sh bo‘ladi.

Gvardiola videoni ko‘rib kulib yubordi va biroz xijolat ham tortdi, ammo bu holatga izoh topa olmadi.