Jeydon Sanchoning «Manchester Yunayted» bilan tuzgan mehnat shartnomasi shu yoz yakuniga yetadi.

O‘tgan mavsumni futbolchi ijara asosida o‘tkazdi. Sancho «Aston Villa» sharafini himoya qildi. Sport Bild nashrining xabar berishicha, «Manchester Yunayted» Sanchoning shartnomasini bir yilga uzaytirish bandini faollashtirmoqchi.

Ta’kidlanishicha, ingliz grandi vingerning jamoani tekinga tark etishini istamaydi. «Qizil iblislar» futbolchini yozda arzonroq narxda sotib yuborishga harakat qiladi.

Eslatib o‘tamiz, Jeydon Sancho o‘tgan mavsumda jami 39 ta o‘yinda maydonga tushdi. Ushbu uchrashuvlarda futbolchi «gol+pas» tizimida 4 ta ochko (1 ta gol va 3 ta golli uzatma) to‘plashga muvaffaq bo‘ldi.