TuttoJuve nashrining xabar berishicha, «Manchester Yunayted» «Yuventus» himoyachisi Gleyson Bremerni o‘z safiga qo‘shib olmoqchi.
Ingliz grandi futbolchi uchun yirik taklif tayyorlamoqda — manchesterliklar 58 million yevro to‘lashga tayyor. «Yuventus» kelgusi mavsumda Chempionlar Ligasida ishtirok etmasligi sababli Bremer Turinni tark etishi mumkin. Shuningdek, himoyachiga «Liverpul» ham da’vogarlik qilmoqda.
Yakunlangan mavsumda Gleyson Bremer «Yuventus» safida 31 ta o‘yinda maydonga tushdi. Ushbu uchrashuvlarda himoyachi 4 ta gol urdi va 3 ta golli uzatmani amalga oshirdi.
