«Milan» yulduzi Rafael Leau faoliyatini Turkiyada davom ettirishi mumkin. Unga «Galatasaroy» jiddiy qiziqish bildirmoqda.
La Gazzetta dello Sport jurnalisti Luka Byankinning ma’lumotiga ko‘ra, «Galatasaroy» portugaliyalik futbolchiga soliqlardan tashqari yiliga 10 million yevro maosh taklif qilishga tayyor. Shuningdek, Leauga «Fenerbaxche» ham qiziqish bildirayotgani aytilmoqda.
Hozircha Turkiya klublaridan hech biri Leau borasida «Milan» bilan rasmiy aloqaga chiqqani yo‘q. Ehtimoliy transfer summasi 40 milliondan 50 million yevrogacha baholanmoqda.













