Joze Mourinyo agar Florentino Peres prezidentlik saylovlarida mag‘lub bo‘lsa, «Real»ni boshqarmaydi.

AS nashri bergan ma’lumotlarga ko‘ra, ayni damda «Benfika»ni boshqarayotgan Mourinyo Madrid klubi bilan ikki yillik shartnoma bo‘yicha kelishuvga erishgan. Shartnomada, agar jamoa La Ligada g‘olib chiqsa, hamkorlikni yana bir mavsumga uzaytirish imkoniyati ham ko‘zda tutilgan.

Biroq, kelishuvning rasman imzolanishi muddatidan oldin o‘tkaziladigan prezidentlik saylovlariga qadar kechiktirildi. Agar Peres qayta saylanmasa, Mourinyo o‘ziga taklif bilan chiqqan boshqa klublardan birini boshqarishga qaror qiladi.

Eslatib o‘tamiz, «Real» prezidentligi uchun bo‘lajak saylovlarda Peresning raqibi Enrike Rikelme bo‘ladi. Uning nomzodi o‘tgan haftada rasman tasdiqlangan edi.