«Yuventus» hujumchisi Jonatan Devid yozda klubini o‘zgartirishi mumkin. Bu haqda TEAMtalk nashri xabar bermoqda.
Ma’lumotlarga ko‘ra, futbolchiga APLning beshta klubi da’vogarlik qilmoqda. Devidni o‘z safiga qo‘shib olishni istovchilar orasida «Nyukasl», «Aston Villa», «Lids», «Brayton» va «Kristal Pelas» bor. Turinliklar futbolchini ijaraga berishga tayyor ekanliklari aytilmoqda.
Joriy mavsumda Jonatan Devid «Yuventus» safida 46 ta o‘yinda ishtirok etdi. Ushbu uchrashuvlarda hujumchi 8 ta gol urdi va 5 ta golli uzatmani amalga oshirdi.
