«Ювентус» ҳужумчиси Жонатан Дэвид ёзда клубини ўзгартириши мумкин. Бу ҳақда TEAMtalk нашри хабар бермоқда.

Маълумотларга кўра, футболчига АПЛнинг бешта клуби даъвогарлик қилмоқда. Дэвидни ўз сафига қўшиб олишни истовчилар орасида «Ньюкасл», «Астон Вилла», «Лидс», «Брайтон» ва «Кристал Пэлас» бор. Туринликлар футболчини ижарага беришга тайёр эканликлари айтилмоқда.

Жорий мавсумда Жонатан Дэвид «Ювентус» сафида 46 та ўйинда иштирок этди. Ушбу учрашувларда ҳужумчи 8 та гол урди ва 5 та голли узатмани амалга оширди.