«Bornmut» markaziy himoyachisi Markos Senesi faoliyatini «Tottenxem»da davom ettirishga tayyor. Jurnalist Ekrem Konurning xabar berishicha, «shporlar» tez orada erkin agentga aylanadigan 29 yoshli futbolchi bilan og‘zaki kelishuvga erishgan.

Agar kutilmagan holatlar yuz bermasa, argentinalik himoyachi Roberto de Dzerbi boshqaruvidagi London klubining ilk transferlaridan biri bo‘ladi. Avvalroq Markos Senesiga «Barselona», «Yuventus» va Yevropaning boshqa grand jamoalari qiziqish bildirgan edi.

Eslatib o‘tamiz, o‘tgan mavsumda himoyachi Premyer-ligada 37 ta o‘yinda maydonga tushib, 5 ta golli uzatmaga mualliflik qilgan.