«Chelsi» hujumchisi Nikolas Jekson londonlik «aristokratlar» safida yana bir bor o‘z omadini sinab ko‘rishi mumkin. 24 yoshli futbolchi o‘tgan mavsumni «Bavariya»da ijara asosida o‘tkazdi, biroq myunxenliklar uni doimiy asosda sotib olishdan voz kechdilar.

Dastlab, Jekson «Chelsi»da ham qolishi dargumon ekani aytilayotgan edi. Biroq The Sun nashrining xabar berishicha, hujumchi «Stemford Bridj»da qolishga tayyor. Uning jamoa rahbariyati oldiga qo‘ygan yagona sharti — asosiy tarkibdan muqim joy olish. Hozirda barchasi jamoaning yangi bosh murabbiyi Xabi Alonsoning qaroriga bog‘liq.

Ma’lumot uchun, Nikolas Jeksonning «Chelsi» bilan amaldagi shartnomasi 2033 yilgacha tuzilgan. Transfermarkt portali futbolchini 40 million yevroga baholamoqda.