«Челси» ҳужумчиси Николас Жексон лондонлик «аристократлар» сафида яна бир бор ўз омадини синаб кўриши мумкин. 24 ёшли футболчи ўтган мавсумни «Бавария»да ижара асосида ўтказди, бироқ мюнхенликлар уни доимий асосда сотиб олишдан воз кечдилар.
Dastlab, Жексон «Челси»да ҳам қолиши даргумон экани айтилаётган эди. Бироқ The Sun нашрининг хабар беришича, ҳужумчи «Стэмфорд Бридж»да қолишга тайёр. Унинг жамоа раҳбарияти олдига қўйган ягона шарти — асосий таркибдан муқим жой олиш. Ҳозирда барчаси жамоанинг янги бош мураббийи Хаби Алонсонинг қарорига боғлиқ.
Маълумот учун, Николас Жексоннинг «Челси» билан амалдаги шартномаси 2033 йилгача тузилган. Transfermarkt портали футболчини 40 миллион еврога баҳоламоқда.
