«Los-Andjeles» hujumchisi Son Xyon Min o‘z sobiq jamoasi — «Tottenxem»ning Premyer-ligadagi qiyinchiliklardan qutulib qolgani haqida gapirdi. «Shporlar» so‘nggi turda «Everton» ustidan 1:0 hisobida g‘alaba qozonib, turnir jadvalida 17-o‘rinni egalladi va xavfli zonadan chiqib ketishga muvaffaq bo‘ldi.

Son sobiq jamoadoshlarining o‘yinini kuzatish uning uchun juda hayajonli bo‘lganini yashirmadi:

«O‘yinni tomosha qilayotganimda xuddi maydonda o‘zim yurgandek asabiylashdim. «Everton» to‘pni har qo‘lga olganida titrab ketardim. «Tottenxem» bilan juda kuchli bog‘liqlik his qilaman. Jamoaning butun mavsum davomida Premyer-ligada jon saqlash uchun kurashganini ko‘rish hissiy tomondan juda og‘ir bo‘ldi. Klubni juda erta tark etgan bo‘lishim mumkinligi haqidagi fikrlar meni tez-tez bezovta qilardi. Baribir, mavsumning bunday yakunlanganidan xursandman», — deydi Son The Spurs Express nashriga bergan intervyusida.

Eslatib o‘tamiz, Janubiy koreyalik futbolchi o‘tgan yilning avgust oyida «Los-Andjeles» safiga ko‘chib o‘tgan edi.