«Лос-Анджелес» ҳужумчиси Сон Хён Мин ўз собиқ жамоаси — «Тоттенхэм»нинг Премьер-лигадаги қийинчиликлардан қутулиб қолгани ҳақида гапирди. «Шпорлар» сўнгги турда «Эвертон» устидан 1:0 ҳисобида ғалаба қозониб, турнир жадвалида 17-ўринни эгаллади ва хавфли зонадан чиқиб кетишга муваффақ бўлди.
Сон собиқ жамоадошларининг ўйинини кузатиш унинг учун жуда ҳаяжонли бўлганини яширмади:
«Ўйинни томоша қилаётганимда худди майдонда ўзим юргандек асабийлашдим. «Эвертон» тўпни ҳар қўлга олганида титраб кетардим. «Тоттенхэм» билан жуда кучли боғлиқлик ҳис қиламан. Жамоанинг бутун мавсум давомида Премьер-лигада жон сақлаш учун курашганини кўриш ҳиссий томондан жуда оғир бўлди. Клубни жуда эрта тарк этган бўлишим мумкинлиги ҳақидаги фикрлар мени тез-тез безовта қиларди. Барибир, мавсумнинг бундай якунланганидан хурсандман», — дейди Сон The Spurs Express нашрига берган интервьюсида.
Эслатиб ўтамиз, Жанубий кореялик футболчи ўтган йилнинг август ойида «Лос-Анджелес» сафига кўчиб ўтган эди.
