«Oltin to‘p» sohibi Usmon Dembele bo‘lajak Jahon chempionatida kimlarni favorit sifatida ko‘rayotgani haqida o‘z fikrlari bilan o‘rtoqlashdi. Uning so‘zlariga ko‘ra, Yevropa chempioni — Ispaniya terma jamoasi mundialning asosiy da’vogarlaridan biridir.
«Turnirda favoritlar juda ko‘p. Ispaniya terma jamoasi ajoyib tarkibga ega. Chindan ham hayratlanarli darajada kuchli. Argentina va Braziliya terma jamoalari ham juda kuchli tarkib bilan musobaqaga kirishmoqda», — deya Dembelening so‘zlarini keltiradi Derbyderbyderby.it.
Eslatib o‘tamiz, Jahon chempionati joriy yilning 11 iyun kuni start oladi va ushbu musobaqaga AQSH, Meksika va Kanada davlatlari mezbonlik qiladi. Ayni damda musobaqaning amaldagi chempioni Argentina terma jamoasi hisoblanadi.
