«Barselona» yarim himoyachisi Pedri o‘ziga xos blis-so‘rovnomada turli klublar va futbol olamidagi shaxslarga bir so‘z bilan ta’rif berdi. 23 yoshli iqtidorli futbolchining javoblari «Barselona» muxlislari tomonidan iliq kutib olindi.
Pedrining so‘zlariga ko‘ra, Madridning «Real» klubi — bu shunchaki «raqib». O‘z navbatida, «Barselona»ni esa u «orzu» deya ta’rifladi. Pedri uchun «Oltin to‘p» ham aynan «orzu» sifatida qabul qilinadi.
Futbolchi o‘z jamoadoshlari va ustozlari haqida quyidagicha fikr bildirdi:
-
Xans-Diter Flik: «Ota»
-
Lamin Yamal: «Yulduz»
-
Ferran Torres: «Do‘st»
-
Gavi: «Jangchi»
-
Andres Inyesta: «Eng yaxshisi»
Eslatib o‘tamiz, Pedri yakunlangan mavsumda «Barselona» bilan La Liga chempioni bo‘ldi va Ispaniya Superkubogini qo‘lga kiritdi. Shuningdek, u Jahon chempionati uchun e’lon qilingan Ispaniya terma jamoasining yakuniy tarkibidan ham joy oldi.
