«Барселона» ярим ҳимоячиси Педри ўзига хос блиц-сўровномада турли клублар ва футбол оламидаги шахсларга бир сўз билан таъриф берди. 23 ёшли иқтидорли футболчининг жавоблари «Барселона» мухлислари томонидан илиқ кутиб олинди.
Педрининг сўзларига кўра, Мадриднинг «Реал» клуби — бу шунчаки «рақиб». Ўз навбатида, «Барселона»ни эса у «орзу» дея таърифлади. Педри учун «Олтин тўп» ҳам айнан «орзу» сифатида қабул қилинади.
Футболчи ўз жамоадошлари ва устозлари ҳақида қуйидагича фикр билдирди:
-
Ханс-Дитер Флик: «Ота»
-
Ламин Ямал: «Юлдуз»
-
Ферран Торрес: «Дўст»
-
Гави: «Жангчи»
-
Андрес Иньеста: «Энг яхшиси»
Эслатиб ўтамиз, Педри якунланган мавсумда «Барселона» билан Ла Лига чемпиони бўлди ва Испания Суперкубогини қўлга киритди. Шунингдек, у Жаҳон чемпионати учун эълон қилинган Испания терма жамоасининг якуний таркибидан ҳам жой олди.
