«Chelsi», «Milan» va «PSJ» klublarining sobiq himoyachisi Tyago Silva faoliyatini Germaniyada davom ettirishi mumkin. Kicker nashrining xabar berishicha, sentyabr oyida 42 yoshni qarshi oladigan braziliyalik futbolchiga Bundesligadan tushib ketgan «Volfsburg» klubi aloqaga chiqqan.
Silva 2026 yilning yanvar oyida Yevropaga qaytib, «Portu» bilan shartnoma imzolagan edi. Biroq 2025/26 yilgi mavsum yakunida kelishuv muddati tugagach, jamoani tark etdi. Avvalroq himoyachining «Milan»ga qaytishi mumkinligi haqida ham xabarlar tarqalgan edi.
«Volfsburg» o‘z tarixida ilk bor Bundesligadan tushib ketdi. Jamoa chempionatda 16-o‘rinni egalladi va o‘tish o‘yinlarida «Paderborn»ga imkoniyatni boy berdi.
