«Челси», «Милан» ва «ПСЖ» клубларининг собиқ ҳимоячиси Тьяго Силва фаолиятини Германияда давом эттириши мумкин. Kicker нашрининг хабар беришича, сентябрь ойида 42 ёшни қарши оладиган бразилиялик футболчига Бундеслигадан тушиб кетган «Вольфсбург» клуби алоқага чиққан.
Силва 2026 йилнинг январь ойида Европага қайтиб, «Порту» билан шартнома имзолаган эди. Бироқ 2025/26 йилги мавсум якунида келишув муддати тугагач, жамоани тарк этди. Аввалроқ ҳимоячининг «Милан»га қайтиши мумкинлиги ҳақида ҳам хабарлар тарқалган эди.
«Вольфсбург» ўз тарихида илк бор Бундеслигадан тушиб кетди. Жамоа чемпионатда 16-ўринни эгаллади ва ўтиш ўйинларида «Падерборн»га имкониятни бой берди.
