«Inter» yarim himoyachisi milanliklar bilan shartnomasini uzaytirdi. Insayder Nikolo Skiraning ma’lumotiga ko‘ra, yangi kelishuv doirasida Mxitaryan yiliga 2 million yevro maosh va qo‘shimcha bonuslar oladigan bo‘ldi.

Bundan avvalroq Fabrisio Romano ham futbolchi faoliyatini yakunlash haqida o‘ylayotganiga qaramay, «Inter» bilan 2027 yilning yozigacha mo‘ljallangan shartnoma imzolashga yaqin ekanini xabar qilgan edi.

Mxitaryan 2022 yilning iyun oyidan beri «neradzurri» sharafini himoya qilib kelmoqda. Shu vaqt ichida 37 yoshli futbolchi jamoa tarkibida barcha turnirlarda 187 ta o‘yinda maydonga tushib, 12 ta gol urdi va 21 ta golli uzatmani amalga oshirdi. Transfermarkt portali uning hozirgi transfer qiymatini 3,5 million yevroga baholamoqda.