«Интер» ярим ҳимоячиси миланликлар билан шартномасини узайтирди. Инсайдер Николо Скиранинг маълумотига кўра, янги келишув доирасида Мхитарян йилига 2 миллион евро маош ва қўшимча бонуслар оладиган бўлди.

Бундан аввалроқ Фабрицио Романо ҳам футболчи фаолиятини якунлаш ҳақида ўйлаётганига қарамай, «Интер» билан 2027 йилнинг ёзигача мўлжалланган шартнома имзолашга яқин эканини хабар қилган эди.

Мхитарян 2022 йилнинг июнь ойидан бери «нерадзурри» шарафини ҳимоя қилиб келмоқда. Шу вақт ичида 37 ёшли футболчи жамоа таркибида барча турнирларда 187 та ўйинда майдонга тушиб, 12 та гол урди ва 21 та голли узатмани амалга оширди. Transfermarkt портали унинг ҳозирги трансфер қийматини 3,5 миллион еврога баҳоламоқда.