«Kristal Pelas» va Ispaniya terma jamoasi hujumchisi Yeremi Pino UEFA Konferensiyalar ligasi finali doirasidagi «Rayo Valyekano»ga qarshi o‘yin oldidan o‘z his-tuyg‘ulari bilan o‘rtoqlashdi.

«Angliyada "Rayo Valyekano" haqida nima deb o‘ylashlarini bilmayman, lekin men bu jamoaga qarshi ko‘p marta o‘ynaganman va ular haqida yetarlicha ma’lumotga egaman. Final oldidan hayajon juda kuchli. Menda katta tajriba bor — bu faoliyatimdagi oltinchi yirik final, lekin ilgari hech qachon bunchalik hayajonni his qilmaganman. Bu juda muhim sovrin va uni qo‘lga kiritish uchun bor kuchimizni ishga solamiz», — dedi Pino UEFA rasmiy saytiga.

Ma’lumot uchun, «Kristal Pelas» va «Rayo Valyekano» o‘rtasidagi hal qiluvchi bahs bugun, 27 may kuni Leypsigdagi «Red Bull Arena»da bo‘lib o‘tadi. O‘yin Toshkent vaqti bilan tungi soat 00:00 da boshlanadi.