Ismaila Sarr Konferensiyalar ligasidagi sermahsulligi va finalda g‘alaba qozonish ishtiyoqi haqida gapirdi.

«Turnirdagi natijalarim haqida gapirsam, bu aynan murabbiy va jamoadoshlarim mendan kutgan o‘yin. Lekin biz bir jamoa bo‘lib ishlayapmiz. Sheriklarimning yordamisiz bunchalik ko‘p gol ura olmasdim, balki umuman gol ham bo‘lmasdi. Yakka tartibda kuchli bo‘lishimiz mumkin, lekin jamoaviy birlashish — bizning asosiy kuchimiz. Shuning uchun ham men doim "biz" deb gapiraman.

Gollarim bilan jamoaga yordam berayotganimdan xursandman va hozirda turnir to‘purari bo‘lib turganimdan faxrlanaman. Umid qilamanki, bu seriya finalda ham davom etadi. Yigitlarga g‘alaba keltirish — gol bo‘ladimi yoki assistmi, farqi yo‘q — finalda hal qiluvchi ishni qilishni istayman. Bu turnirdagi gollarim soniga yana ikki-uchtasini qo‘shib qo‘ygan bo‘lardim».

Eslatib o‘tamiz, Sarr 9 ta gol bilan Konferensiyalar ligasi to‘purarlar poygasida peshqadamlik qilmoqda. Final bahsi bugun tunda bo‘lib o‘tadi.