Ispaniyalik mutaxassis Manolo Gonsales kelgusi mavsumda ham «Espanyol» bosh murabbiyi sifatida faoliyatini davom ettiradi. Murabbiy klub bilan 2027 yilning yoziga qadar mo‘ljallangan yangi mehnat shartnomasiga imzo chekdi. Bu haqdagi ma’lumot «Espanyol» rasmiy saytida e’lon qilindi.
«To‘tiqushlar» Ispaniya chempionatining yakunlangan mavsumini turnir jadvalida 11-o‘rinda yakunlashdi. Gonsales shogirdlari 38 ta turda 46 ochko jamg‘arishga muvaffaq bo‘lishdi.
Eslatib o‘tamiz, 47 yoshli mutaxassis 2024 yilning martidan beri «Espanyol»ni boshqarib kelmoqda. Bungacha Gonsales ushbu klub tizimidagi yoshlar jamoasiga ustozlik qilgan.
