«Manchester Yunayted» klubi Ederson Lourenso bilan shartnoma imzolash arafasida. Sky Sports nashrining xabar berishicha, 26 yoshli yarim himoyachi bo‘yicha ingliz klubi va «Atalanta» o‘rtasidagi muzokaralar yakuniy bosqichga kelgan.

Kutilishicha, mankunianliklar futbolchi uchun 40,5 million yevro to‘lashadi. Kelishuvda, shuningdek, 3,5 million yevro miqdoridagi bonuslar ham ko‘zda tutilgan. Tomonlar hafta oxirigacha to‘liq kelishuvga erishishlari mumkin.

Yakunlangan mavsumda braziliyalik futbolchi A Seriyada 30 ta o‘yinda ishtirok etib, 2 ta gol urdi va 1 ta golli uzatmani amalga oshirdi.