«Манчестер Юнайтед» клуби Эдерсон Лоуренсо билан шартнома имзолаш арафасида. Sky Sports нашрининг хабар беришича, 26 ёшли ярим ҳимоячи бўйича инглиз клуби ва «Аталанта» ўртасидаги музокаралар якуний босқичга келган.
Кутилишича, манкунианликлар футболчи учун 40,5 миллион евро тўлашади. Келишувда, шунингдек, 3,5 миллион евро миқдоридаги бонуслар ҳам кўзда тутилган. Томонлар ҳафта охиригача тўлиқ келишувга эришишлари мумкин.
Якунланган мавсумда бразилиялик футболчи А Серияда 30 та ўйинда иштирок этиб, 2 та гол урди ва 1 та голли узатмани амалга оширди.
