«Kristal Pelas» bosh murabbiyi Oliver Glasner faoliyatidagi to‘rtinchi sovringa ega chiqdi. London jamoasi Leypsig shahrida o‘tgan Konferensiyalar ligasi finalida «Rayo Valyekano»ni mag‘lub etdi (1:0).
2025 yilda avstriyalik mutaxassis klub bilan Angliya Kubogi va Angliya Superkubogida g‘olib chiqqan edi. 51 yoshli mutaxassis mavsum yakunlangach «burgutlar» safini tark etadi.
2021/22 yilgi mavsumda Glasner «Ayntraxt»ni boshqargan holda Yevropa Ligasida zafar quchgan edi. Shu tariqa, u allaqachon ikkita yevrokubokda g‘olib chiqdi.
Shuningdek, Oliver Avstriyaning «Rid» va LASK hamda Germaniyaning «Volfsburg» klublarini boshqargan.
