«Кристал Пэлас» бош мураббийи Оливер Гласнер фаолиятидаги тўртинчи совринга эга чиқди. Лондон жамоаси Лейпциг шаҳрида ўтган Конференциялар лигаси финалида «Райо Вальекано»ни мағлуб этди (1:0).
2025 йилда австриялик мутахассис клуб билан Англия Кубоги ва Англия Суперкубогида ғолиб чиққан эди. 51 ёшли мутахассис мавсум якунлангач «бургутлар» сафини тарк этади.
2021/22 йилги мавсумда Гласнер «Айнтрахт»ни бошқарган ҳолда Европа Лигасида зафар қучган эди. Шу тариқа, у аллақачон иккита еврокубокда ғолиб чиқди.
Шунингдек, Оливер Австриянинг «Рид» ва ЛАСК ҳамда Германиянинг «Вольфсбург» клубларини бошқарган.
