«Vest Xem»ning o‘ng qanot himoyachisi Aaron Van-Bissaka, jamoasi quyi ligaga tushib ketganiga qaramay, faoliyatini Premyer-ligada davom ettirishi mumkin. «Bolg‘achilar» 18-o‘rinni egallab, elitadagi o‘rnini saqlab qola olmadi.

Transfer News Live nashrining talkSPORTga tayanib xabar berishicha, «Everton» Uan-Bissakani o‘z safiga qo‘shib olishga jiddiy kirishgan. «Irislar» kongolik futbolchini yozgi transferlarning asosiy nishonlaridan biri sifatida belgilab olishgan.

28 yoshli futbolchining transfer qiymati 10 million funt sterling (11,5 million yevro) atrofida bo‘lishi kutilmoqda. «Manchester Yunayted» va «Kristal Pelas»ning sobiq a’zosiga, shuningdek, «Nyukasl», «Sanderlend», «Tottenxem» va «Fulxem» klublari ham qiziqish bildirmoqda.