Germaniyaning "Bayer Leverkuzen" jamoasida yaqin orada bosh murabbiy o‘zgarishi kutilmoqda. Braziliyalik taniqli mutaxassis Filipe Luis amaldagi ustoz Kasper Yulmandning o‘rnini egallashi mumkin.
Sky Sport nashri tarqatgan xabarga ko‘ra, ayni paytda 40 yoshli braziliyalik murabbiy "dorishunoslar" rahbariyatining qisqa ro‘yxatida asosiy nomzod bo‘lib turibdi. Nemis klubi allaqachon Luis va uning vakillari bilan dastlabki muzokaralarga kirishgan. Shunga qaramay, klub rahbariyati faqatgina bir nomzod bilan cheklanib qolmoqchi emas va boshqa variantlarni ham ko‘rib chiqmoqda.
Ma’lumot uchun, Filipe Luis shu yilning mart oyida «Flamengo» klubi bosh murabbiyligidan iste’foga chiqarilgan edi. U mazkur jamoa bilan Braziliya A seriyasi, mamlakat Kubogi hamda Libertadores kubogida bosh sovrinni qo‘lga kiritgan.
