Ispaniya terma jamoasi o‘z tarixida ilk bor Jahon chempionatiga birorta ham «Real» futbolchisisiz yo‘l oladigan bo‘ldi. Madrid klubi sobiq darvozaboni Iker Kasilyas ushbu holatga o‘z fikrini bildirdi.

«Real» akademiyasi tarbiyalanuvchisi va ispan sifatida, klubdan terma jamoaga hech kim chaqirilmagani meni biroz xafa qilmoqda. Buni qabul qilish og‘ir», — dedi Kasilyas.

Shundan so‘ng Jerar Pike Kasilyasga: «Terma jamoada «Barselona»ning bir yo‘la 8 nafar vakili borligi sizga yanada og‘irroq botmayaptimi?» — degan savol bilan yuzlandi.

«Har narsaning o‘z vaqti bor. Terma jamoada «Barselona»ning shunchalik ko‘p futbolchisi bo‘lishi uchun klub moliyaviy inqirozni boshidan o‘tkazishiga to‘g‘ri keldi. Bu esa ularni akademiyaga suyanishga majbur qildi», — deya Kasilyasning so‘zlarini keltirmoqda Marca nashri.

JCH-2026 guruh bosqichida Ispaniya terma jamoasi Kabo-Verde, Saudiya Arabistoni va Urugvayga qarshi bahs olib boradi.