«Kristal Pelas» yarim himoyachisi Adam Uorton Konferensiyalar ligasi finalida «Rayo Valyekano» ustidan qozonilgan g‘alabadan (1:0) so‘ng o‘z fikrlari bilan o‘rtoqlashdi. Ushbu bahsda Uorton uchrashuvning eng yaxshi futbolchisi deb topildi.

«O‘tgan yili Angliya Kubogi tantanalarida qatnasha olmagandim, shuning uchun endi buning o‘rnini 100 foizga to‘ldiraman. Bu hissiyotlarni so‘z bilan ta’riflab bo‘lmaydi. Janubiy London uchun bu g‘alaba naqadar muhimligini ko‘rib turibsiz. Shunchaki aql bovar qilmas natija», — deya Uortonning so‘zlarini keltirmoqda TNT Sports.

Eslatib o‘tamiz, «Kristal Pelas» bundan bir yil avval Angliya Kubogi va Superkubogida zafar quchgan edi.