Londonning «Chelsi» klubi argentinalik vinger Alexandro Garnacho borasidagi rejalarini belgilab oldi. Insayder Saymon Fillipsning xabar berishicha, «aristokratlar» 21 yoshli futbolchi bilan shu yozda xayrlashishga qaror qilishgan.

Manbaga ko‘ra, Angliya top-klubi Garnachoning transferidan 46 million yevro ishlab olishni rejalashtirmoqda. Alexandroga da’vogarlar qatorida Italiyaning «Napoli» klubi tilga olinmoqda.

Argentinalik futbolchining «Chelsi» bilan amaldagi shartnomasi 2032 yilning iyun oyi oxirigacha mo‘ljallangan. U London klubi safiga 2025 yilning yozida kelib qo‘shilgan edi. Yakunlangan APL mavsumida Garnacho 24 ta o‘yinda maydonga tushib, 1 ta gol urdi va 4 ta golli uzatmani amalga oshirdi.