Лондоннинг «Челси» клуби аргентиналик вингер Алехандро Гарначо борасидаги режаларини белгилаб олди. Инсайдер Саймон Филлипснинг хабар беришича, «аристократлар» 21 ёшли футболчи билан шу ёзда хайрлашишга қарор қилишган.
Манбага кўра, Англия топ-клуби Гарначонинг трансферидан 46 миллион евро ишлаб олишни режалаштирмоқда. Алехандрога даъвогарлар қаторида Италиянинг «Наполи» клуби тилга олинмоқда.
Аргентиналик футболчининг «Челси» билан амалдаги шартномаси 2032 йилнинг июнь ойи охиригача мўлжалланган. У Лондон клуби сафига 2025 йилнинг ёзида келиб қўшилган эди. Якунланган АПЛ мавсумида Гарначо 24 та ўйинда майдонга тушиб, 1 та гол урди ва 4 та голли узатмани амалга оширди.
