«Renn» «Lans» yarim himoyachisi Adriyen Tomasson o‘z safiga qo‘shib olganini e’lon qildi. 32 yoshli fransiyalik futbolchi bretonliklar klubiga erkin agent maqomida o‘tdi va uch yillik shartnoma imzoladi.

«Bu men juda ambisiyali deb biladigan loyiha. Rahbariyat va murabbiy bilan o‘tkazgan ilk suhbatlarimizdanoq, ular menga katta qiziqish bildirishdi. Mening uchun bu mantiqiy tanlov edi, chunki men yangi loyihani kashf etishni istardim», — dedi yangi o‘yinchi klub rasmiy saytiga bergan birinchi intervyusida.

2025/26 yilgi mavsumda Tomasson Fransiya chempionatining 32 ta uchrashuvida 10 ta golli uzatmani amalga oshirib, musobaqaning eng yaxshi assistentiga aylandi. U joriy mavsumda barcha musobaqalarda jami 36 ta o‘yinda maydonga tushib, 4 ta gol urdi va 10 ta golli uzatmaga mualliflik qildi.

Avvalroq yarim himoyachi «Strasbur», «Nant», «Evian» va «Vann» klublari sharafini ham himoya qilgan.