«Liverpul» klubi «RB Leypsig» vingeri Yan Diomande transferini imkon qadar tezroq yakunlashni maqsad qilgan. Jurnalist Florian Plettenbergning xabar berishicha, 19 yoshli ivuarlik iqtidor egasi «qizillar»ning transfer rejasidagi ustuvor maqsadlardan biri hisoblanadi.

Diomandega «PSJ» va «Manchester Siti» klublari ham jiddiy qiziqish bildirmoqda. Bu ikki jamoa allaqachon futbolchining agentlari bilan muzokaralar o‘tkazishga ulgurgan. Raqobat kuchayib borayotgani sababli, «Liverpul» kelishuvni tezlashtirishga harakat qilmoqda.

Hozirgi vaqtda futbolchining transferi bo‘yicha biron-bir klub aniq kelishuvga erishgani yo‘q. O‘z navbatida, «RB Leypsig» iqtidorli futbolchisini saqlab qolish maqsadida uning shartnomasini yaxshilangan shartlar va maosh oshirilishi evaziga uzaytirishga tayyorligini bildirgan. Transfermarkt portali Yan Diomandeni 90 million yevroga baholamoqda.