"Arsenal" hujumchisi Kay Xavers Chempionlar ligasi finali oldidan "PSJ"ga qarshi bo‘lajak bahs haqida o‘z fikrlari bilan o‘rtoqlashdi. Londonliklar uchun ushbu o‘yin klub tarixida ilk bor Yevropaning eng nufuzli sovrinini qo‘lga kiritish imkoniyati hisoblanadi.

"Biz favoritmizmi? Men bu haqda umuman o‘ylayotganim yo‘q. "PSJ" – amaldagi g‘olib va o‘tgan mavsumda ular, ehtimol, eng yaxshi jamoa edi. Biroq biz o‘zimizga ishonamiz, biz ko‘p narsaga erishdik, shuning uchun bizni "anderdog" deb bilishlari unchalik muhim emas", – deb keltiradi Xaversning so‘zlarini jurnalist Konnor Xamm.

Eslatib o‘tamiz, final uchrashuvi ertaga, 30 may kuni bo‘lib o‘tadi va Toshkent vaqti bilan soat 21:00 da start oladi.