"Арсенал" ҳужумчиси Кай Хаверц Чемпионлар лигаси финали олдидан "ПСЖ"га қарши бўлажак баҳс ҳақида ўз фикрлари билан ўртоқлашди. Лондонликлар учун ушбу ўйин клуб тарихида илк бор Европанинг энг нуфузли совринини қўлга киритиш имконияти ҳисобланади.
"Биз фаворитмизми? Мен бу ҳақда умуман ўйлаётганим йўқ. "ПСЖ" – амалдаги ғолиб ва ўтган мавсумда улар, эҳтимол, энг яхши жамоа эди. Бироқ биз ўзимизга ишонамиз, биз кўп нарсага эришдик, шунинг учун бизни "андердог" деб билишлари унчалик муҳим эмас", – деб келтиради Хаверцнинг сўзларини журналист Коннор Хамм.
Эслатиб ўтамиз, финал учрашуви эртага, 30 май куни бўлиб ўтади ва Тошкент вақти билан соат 21:00 да старт олади.
