«Manchester Yunayted» futbolchisi Diogu Dalot muxlislarning kutilmalari haqida o‘z fikrlari bilan o‘rtoqlashdi. O‘tgan mavsum yakunlariga ko‘ra, Angliya chempionatida uchinchi o‘rinni egallagan «qizil iblislar» Chempionlar ligasiga qaytdi.

«Har bir mavsum oldidan «Manchester Yunayted» muxlislari bizni Premyer-liga va Chempionlar ligasida zafar quchishimizga doimo ishonishadi. Klubimiz haqida menga eng yoqadigan jihat aynan shu. O‘tgan mavsumda nima bo‘lgani muhim emas. Bir yil oldin biz 15-o‘rinni egallagan bo‘lsak, endi uchinchi bo‘ldik. Kelasi yili APL yoki Chempionlar ligasini yuta olmaymiz, deb aniq ayta olmaysiz. Bilaman, muxlislar bunga ishonishadi. Biz uchun his-tuyg‘ularni nazorat qilish, ammo ambisiyalardan hech qachon voz kechmaslik muhim», — dedi portugaliyalik himoyachi CazeTVga bergan intervyusida.

Eslatib o‘tamiz, yanvardan buyon «Manchester Yunayted»ni yaqinda shartnomasini 2028 yilgacha uzaytirgan Maykl Karrik boshqarmoqda.