Londonning «Arsenal» klubi hujumchisi Kay Xavers Chempionlar ligasi doirasida «PSJ»ga qarshi bo‘lib o‘tadigan final bahsi oldidan o‘z fikrlari bilan o‘rtoqlashdi.
«Barchamiz finalni katta intiqlik bilan kutyapmiz. O‘ylashimcha, bu aqlbovar qilmas o‘yin bo‘ladi. Bu voqea xotiramizda umrbod saqlanib qoladi. Biz g‘alaba qozonib, kubokni Londonga olib kelishni istaymiz», — dedi futbolchi uchrashuv oldidan.
Eslatib o‘tamiz, Yevropaning eng nufuzli klublar turnirining hal qiluvchi bahsi ertaga, 30 may kuni bo‘lib o‘tadi. O‘yin Toshkent vaqti bilan soat 21:00 da boshlanishi rejalashtirilgan.
Kay Xavers joriy mavsum Chempionlar ligasida beshta o‘yinda maydonga tushib, uchta gol urdi va bitta golli uzatmani amalga oshirdi.
